![](./img/1551_StAAm_Amt_Rieden_8.21zsf.0.jpg)
(Absatz Beginn)
1 Mein gebet, vnd willig dienst, Mit vleiß zuuor,
2 Gestreng, Edel hochgelert. vnd Ernuest, der
3 loblichen pfaltz verordente herr vitzdumb vnd Rete
4 gunstig lieb herrn, was massen e(uer) st(reng) vnd h(ochgeler)t
5 erschinens Jars, auff mein anlangen. Des
6 Paufelligen pfarrhauß zu vilßhofen halb,
7 dahin der fruemeß zu Ruden gefell an traidt
8 vnd allem andern geuolgen sich bewilligt
9 Aber auff hohe bit solich einkomen Das vergang(en)
10 Jar, den von Ruden, zu Jrem thuern Paw
11 zusteen lassen, haben e(uer) st(reng) vnd h(ochgeler)t ab beÿligendem
12 Missiff zuvernemen, Dieweil dan die zeit
13 solche gefell, den von Ruden zugelassen, vnd
14 sÿ es eingenomen, Jr endtschafft erlangt,
15 So ist an e(uer) st(reng) vnd h(ochgeler)t Mein Diemutig anruff(en)
16 vnd bit, die geruch(en) hir Jn dem pfleger zu
17 Ruden hannsen Wurm Rauscher zubeuelh(en)
18 solcher fruemeß gefelle einzunemen, vnd
19 furter die, vf ordenliche rechnung zu gedacht(em)
20 pfarr hauß zuverpauen, dem pfarrer daselbst
21 zeantworten, vsser diß wer Ime pfarrherrn vn-"
22 möglich von den von Ruden, ain solches
23 einzebringen, Damit würde dem pfarrhauß
24 auch geholffen, solichs vmb e(uer) st(reng) vnd h(ochgeler)t beger
25 ich vnderthenigs vleiß zuverdienen, Dat(um)
26 Montags nach Trinitatis A(nn)o (et cetera) lj
27 E(uer) Streng vnd h(ochgeler)t
28 Williger
29 Caplan.
30 Bartholome(us) Hÿrner
31 Verwalter zu Ensdorff
(Absatz Ende)
(Absatz Beginn)
1 Mein gebet und willig dienst mit vleiß zuvor.
2 Gestreng, edel, hochgelert und ernvest, der
3 loblichen pfaltz verordente herr vitzdumb und rete,
4 gunstig, lieb herrn, was massen euer streng und hochgelert
5 erschinens jars auff mein anlangen, des
6 paufelligen pfarrhauß zu Vilßhofen halb,
7 dahin der fruemeß zu Ruden gefell an traidt
8 und allem andern gevolgen sich bewilligt.
9 Aber auff hohe bit solich einkomen, das vergangen
10 jar den von Ruden zu irem thuernpaw
11 zusteen lassen, haben euer streng und hochgelert ab beÿligendem
12 missiff zuvernemen. Dieweil dan die zeit
13 solche gefell den von Ruden zugelassen und
14 sÿ es eingenomen ir endtschafft erlangt,
15 so ist an euer streng und hochgelert mein diemutig anruffen
16 und bit, die geruchen hirin, dem pfleger zu
17 Ruden, Hannsen Wurm Rauscher, zu bevelhen,
18 solcher fruemeß gefelle einzunemen und
19 furter die uf ordenliche rechnung zu gedachtem
20 pfarrhauß zu verpauen, dem pfarrer daselbst
21 ze antworten, usser diß wer ime pfarrherrn un-
22 möglich von den von Ruden ain solches
23 einzebringen. Damit würde dem pfarrhauß
24 auch geholffen, solichs umb euer streng und hochgelert beger
25 ich underthenigs vleiß zu verdienen. Datum
26 montags nach trinitatis anno et cetera LI.
27 Euer streng und hochgelert
28 williger
29 caplan.
30 Bartholomeus Hÿrner,
31 verwalter zu Ensdorff.
(Absatz Ende)