< Digitale Schriftkunde

StA Coburg, Landesarchiv, Lokat F, Urkunde 526
Hofgerichtsordnung des Hofgerichts Coburg, 1544 (Coburg)

(Absatz Beginn)
1 Vnnd soll vff volgennde vnntterscheidliche zeitt dreÿ mall Jm Jare, Sollch hoffgericht pre-
2 figirt, vnnd gehaltenn werdenn, Dermassenn das vnnser hoffrichter, vnnd verordente
3 beysitzer, vff sollche bereumpte, vnnd bestimpte zeith, Dinstags zuuor zu abendt, Alhie
4 Jnn vnnser Stadt Coburg ankomen, Es wurde Jnen dann die vnnotturfft, vnnd das
5 kein sachenn zuörtterung, verhannden, von dem hoffgerichts schreiber, So wir veror-
6 dent, Jnn des hoff Richters vnnd beysitzer wohnung vnnd behausung abkundigung
7 Zugeschickt
8 Das Erste,
9 Mitwochenn Jnn der pfingstwochenn,
10 Das annder,
11 Mitwochenn nach Gallj,
12 Das drit,
13 Die nechste mitwochenn nach Lichtmeß
14 Vnnd damit souiel moglich, die sachenn zur gute oder dem rechtenn, Durch vnnsere zu
15 solchem hoffgericht verordennte, gefurdert muge werdenn, vnnd die zeit nit ver-
16 geblich verfliese, So ordenen vnnd setzenn wir, Das sich die partheÿenn beyderseitz,
17 So miteynander zuthun, Bey vnnserm hoffgerichts schreiber angebenn, Das alspald
18 die partheyenn, durch ausgehennde geburliche ladung, vnnd schrifftlich Citacionn,
19 furgefodert, vnnd vff Jr also erscheinenn, Der hoffrichter sampt einem oder zweÿen
20 Beysitzernn, Sollenn sich bevleissigenn, zwischenn Jnenn anfangs, Ehe wann zum
21 rechtenn geschrittenn, Guttlicher hanndlung zu vntterfahenn, Aber die anndern
22 beisitzer, wie von denn anndern partheÿenn, bereit ann, nach vnuerfengklicher
23 gutlicher hanndlung wie obgemelt versetzt were Sollenn vrtheil begreiffenn vnnd
24 stellenn, Vnnd ehe wann die den partheÿenn eroffent, vnnd puplicirt, Den
25 Abwesennden Hoff Richter Vnnd beÿsitzern wo die annderst Jn begreiffung vnnd
26 stellung der vrteil nit darbeÿ gewesenn, relacion zu guter notturfft daruon thun,
27 Volgennder Aÿde solle von Hoffrichter
28 vnnd Beÿsiczernn geleistet werden,
29 Aÿde der Hoff Richter vnnd
30 Beisiczernn
31 Jch, N, schwere zu gott dem allmechtigenn, Als mich mein gnediger Furst vnnd
32 herr, Ann seiner Furstlichenn gnadenn hoffgericht hie zu Coburgk zu sitzenn (Absatz Ende)

          

(Absatz Beginn)
1 Unnd soll uff volgennde unntterscheidliche zeitt dreÿmall im jare sollch hoffgericht pre-
2 figirt unnd gehaltenn werdenn. Dermassenn, das unnser hoffrichter unnd verordente
3 beysitzer uff sollche bereumpte unnd bestimpte zeith, dinstags zuvor zu abendt, alhie
4 inn unnser stadt Coburg ankomen. Es wurde inen dann die unnotturfft unnd das
5 kein sachenn zuörtterung verhannden von dem hoffgerichts schreiber, so wir veror-
6 dent, inn des hoffrichters unnd beysitzer wohnung unnd behausung abkundigung
7 zugeschickt.
8 Das erste,
9 mitwochenn inn der pfingstwochenn.
10 Das annder,
11 mitwochenn nach Galli.
12 Das drit,
13 die nechste mitwochenn nach lichtmeß.
14 Unnd damit soviel moglich die sachenn zur gute oder dem rechtenn durch unnsere zu
15 solchem hoffgericht verordennte gefurdert muge werdenn, unnd die zeit nit ver-
16 geblich verfliese, so ordenen unnd setzenn wir, das sich die partheÿenn beyderseitz,
17 so miteynander zu thun, bey unnserm hoffgerichts schreiber angebenn, das alspald
18 die partheyenn durch ausgehennde geburliche ladung unnd schrifftlich citacionn
19 furgefodert unnd uff ir also erscheinenn. Der hoffrichter sampt einem oder zweÿen
20 beysitzernn sollenn sich bevleissigenn, zwischenn inenn anfangs, ehe wann zum
21 rechtenn geschrittenn, guttlicher hanndlung zu untterfahenn, aber die anndern
22 beisitzer, wie von denn anndern partheÿenn, bereit ann, nach unverfengklicher
23 gutlicher hanndlung wie obgemelt versetzt were, sollenn urtheil begreiffenn unnd
24 stellenn, unnd ehe wann die den partheÿenn eroffent unnd puplicirt, den
25 abwesennden hoffrichter unnd beÿsitzern, wo die annderst in begreiffung unnd
26 stellung der urteil nit darbeÿ gewesenn, relacion zu guter notturfft darvon thun.
27 Volgennder aÿde solle von hoffrichter
28 unnd beÿsiczernn geleistet werden:
29 Aÿde der hofftichter unnd
30 beisiczernn
31 Ich, N., schwere zu gott dem allmechtigenn, als mich mein gnediger furst unnd
32 herr ann seiner furstlichenn gnadenn hoffgericht hie zu Coburgk zu sitzenn (Absatz Ende)