![](./img/1511_STAB_Hochstift_Bamberg_Hofkammer_Nr._2028.21zs7.0.jpg)
(Absatz Beginn)
1 Fronne
2 Jtem Die huebpawern Zu Knetzgaw vnnd Sannde
3 sindt schuldig, das prennholtz auff das Schlos
4 Ebersperg Zuhawen vnnd Zufurn,
5 Jtema) alles das man auff gemelltem Schlos, Zw den gepewen
6 bedarff, alls pawholtz Stein Ziegel Sanndt Leymen
7 Vnnd anders, sind die gemellten huebpawern auch
8 schuldig Zufronne Zufurn, alles Jm ampt.
9 Jtem Was der amptman Jm ampt Zufurn hatt Es
10 sey wein getreid hewe Stro, nichts ausgenom(m)enn
11 sindt sy Jm aufs Schlos Zufurn schuldig
12 Jtem Ruben vnnd Krawt So auff denn Zehennden Zw Zell,
13 Knetzgaw vnnd Sannde gefelt, sindt die gemelltten
14 huebpawen schuldig Zufurn, auff den Ebersperg
15 Vnnd Jnn Castenhoff gein Zeyll an Ein yegklichendeb)
16 den halbteill,
17 Jtem Was am weingarts hawß, Zu Zell Zupawen nott ist,
18 darzu sindt die obgemellten huebpawern Jm ampt
19 Alle notturfftig(getilgt) schuldig Zufurn
20 Auch hat mein gnediger her(re), Einen Stadel, Jm
21 dorff Zw Zell steen, Zu necht bey dem haws, das
22 Marxen weydner verkoufft ist das hoffhaws ge-
23 nannt, darzw sindt die obgemelten huebpawern
24 auch schuldig Zufurn, was man fur pawholtz
25 Vnnd annders Zuuerpawen darzw notturfftig ist
(Absatz Ende)
(Absatz Beginn)
1 Fronne
2 Item die huebpawern zu Knetzgaw unnd Sannde
3 sindt schuldig, das prennholtz auff das schlos
4 Ebersperg zu hawen unnd zu furn.
5 Itema) alles, das man auff gemelltem schlos zw den gepewen
6 bedarff, alls pawholtz, stein, ziegel, sanndt, leymen
7 unnd anders, sind die gemellten huebpawern auch
8 schuldig zu fronne zu furn, alles im ampt.
9 Item was der amptman im ampt zu furn hatt, es
10 sey wein, getreid, hewe, stro, nichts ausgenommenn,
11 sindt sy im aufs schlos zu furn schuldig.
12 Item ruben unnd krawt, so auff denn zehennden zw Zell,
13 Knetzgaw unnd Sannde gefelt, sindt die gemelltten
14 huebpawen schuldig zu furn auff den Ebersperg
15 unnd inn Castenhoff gein Zeyll, an ein yegklichendeb)
16 den halbteill.
17 Item was am weingartshawß zu Zell zu pawen nott ist,
18 darzu sindt die obgemellten huebpawern im ampt
19 alle notturfftc) schuldig zu furn.
20 Auch hat mein gnediger herre einen stadel im
21 dorff zw Zell steen, zunecht bey dem haws, das
22 Marxen Weydner verkoufft ist, das hoffhaws ge-
23 nannt, darzw sindt die obgemelten huebpawern
24 auch schuldig zu furn, was man fur pawholtz
25 unnd annders zu verpawen darzw notturfftig ist.
(Absatz Ende)