< Digitale Schriftkunde

StA Augsburg, Reichsstadt Augsburg Urkunden 143
Kleiner Zunfbrief der Stadt Augsburg, 1368 November 24

(Absatz Beginn)
1 WIR ~ die Ratgeben die do zu den ziten Ratgeben waren Vnd wir ~ die Burger gemeniclichen Rich vnd Arme der Stat zu Auspurg Veriehen vn(d) bekennen offenlichen mit disem brieue, daz wir ein=
2 mticlichen mit vereintem rate vn(d) guter vorbetrahtunge, durch ere vnserr Stat, vn(d) durch gemeines nutzes vnd frides willen Richer vnd Armer dabi wir hinnafur mit gotes hilff bestaun, vnd beliben sullen darumbe wir dise sache ange=
3 uangen haben vnd ouch darumb daz wir einem ieglichem vnserm widersachen der vns oder vnser Stat, an vnsern liben, vn(d) Guten rehten vn(d) Gutengewonheiten oder an den nachgeschribenen artickeln der wir mit einander uberein kome(n)
4 sien hindern irren besweren oder bekrencken wolten dest baz vorgesin vnd widerstaun mugen vns Lieplichen vn(d) friuntlichen uf ein gantzes ende mit einander verriht, vereinet vn(d) versunet haben von aller der stozz vn(d) misshellung wegen die
5 zwischen vnser bis her gewesen sint, vnd vns zusamen verbunden haben vn(d) verbinden in guten triwen aun geuerde dis nachgeschriben sache vn(d) Artickel ze volfuren in der weis alz hernach benennet ist zem ersten daz wir lieplich vnd tugent=
6 lichen einer zunfft vnd swaz zu den zunfften gehoret mit einander uberein kumen sien die hinnafur ewiclichen weren vn(d) bestaun sol vn(d) die sullen wir halten nach dem lauffe als wir die ietzo geordent, vnd besetzet haben vn(d) nach dez zunft
7 briefs sage den wir gemachet haben Vnd sullen ouch von der zunfft wegen vnd von aller anderr stozze vn(d) misshellung wegen die bis her zwischen vnser gewesen sint, all alt hezze vn(d) veintscheft gentzlichen absien, das nieman dem andern
8 dheinen has, noch veintschaft darumb tragen noch haben sol. heimlichen noch offenlichen in deheinweis aun all geuerde, Wer aber daz ieman Rich oder Arme swie der genant were darnach stalt redt oder wurbe mit wortten oder mit wercken
9 heimlichen oder offenlichen in welheweis daz were, daz der zunfft zuschaden kome oder kumen mochte, oder dauon si bekrenckt mocht werden dez er mit siben erbern mannen bewert wurde da ~ der Rat vn(d) ~ die zunfftmeister, oder ir der meror teil
10 erkanten, das dieselben Siben erber vnuersprochen man sien dezselben Lib vn(d) Gut, sol in der Stat Eht sin, vnd wa man den begrifft, so sol man hintz sinem lib rihten als hintz einem schedlichen manne Vnd swaz er auch Gutez hat, swie daz gena(n)t
11 ist, ez sie in der Stat oder uf dem Lannde swaz dez ist, daz sol allez der Stat werden vn(d) angeuallen vnd ob er wip vn(d) kint hat, die sullen us der Stat varen vn(d) ewiclichen nimmermer wider daryn kumen Wer auch ~ der were Rich oder
12 Arme, der Jm dez hulffe mit wortten oder mit wercken, heimlichen oder offenlichen wurd daz auch mit siben Erbern mannen alz vorgeschriben stat hintz im bewert, der sol auch in den selben schulden sin, Wer auch, daz ~ dieselben, Jeman hsete, oder
13 hoffte, nachtes, oder tages, heimlichen, oder offenlichen in der Stat, oder usserhalben wurd er dez auch bewert alz vorgeschriben stat der sol auch in denselben schulden sein Wer auch, daz Jeman Rich oder Arme swie der genant were dem andern von der
14 zunfft wegen dheinen nyd, has oder veintschaft truge oder tragen wolt, oder daz ieman ~ den andern darumb wolt bekrencken oder daz ieman darumb bekrencket wurde, von wem daz beschehe vn(d) in welhewis daz were, den sol ~ der Rat, vn(d) ~ die zunfftmeist(er)
15 oder ir der meror tail. darumb bezzern vnd straffen, Vnd waz im die darumb, buzz, vn(d) bezzerung scheppfent, der sol er gehorsam sin, Vnd nicht widersten in dheinweis, Vnd wider dis vorgeschriben sach, vnd artickel alle, sol vns nicht schirmen noch
16 helffen dhein, brief, reht, freiheit noch genade, die wir von Romischen Keisern vnd Kunigen, vnd von Bischouen, ietzo haben, oder noch in zu kunftigen ziten gewinnen mochten, in welhweis daz were vnd besunderlichen dhein gebot von wem vns daz
17 beschehe, wann wir dirr vorgeschribenen sache vnd artickel aller gemeniclichen Rich, vn(d) Arme, frilichen vnd vnbetzwungenlichen, zu den hailigen gelert eyde mit ufgeboten vingern gesworn haben, also, stet,vest, vn(d) vnuerruckt, ze halten, vnd ze
18 laisten, aun all geuerde Wir haben vns auch vollen gewalt, genomen vnd usgedinget, dis vorgeschriben sach, vnd artickel ze bezzern, als offt, vnd alz dick wir wollen, vnd vns duncket daz wir die nach dez Ratez vnd ~ der zunfftmeister Rat gebezz(er)n
19 vn(d) baz erluhten mugen, Das daz allez hinnafur ewiclichen stet vn(d) vnzerbrochen belibe darumb haben wir disen brieue heizzen gemacht vn(d) geschriben, der versigelt ist mit vns(re)r Stat Jnsigel, Vnd mit der hernachgeschriben zunftmeist(er) Jnsigeln
20 diu elliu daran hangent, zem ersten, Heinrichs dez fidelers, Johans dez Goppoltz, Cunratz dez Vogels Sighartz dez Schribers, Heinrichs dez walkirchers, Heinrichs dez Burttenbachs, Cunratz dez Lorentzen, Heinrichs dez Hnrers, Heinrichs dez
21 witzigen dez kursners Chunratz dez Hugen dez led(re)rs, Sighartz dez Schust(er)s Walthers dez Strasmairs dez Huckers, Chunratz dez Steinlins dez lodweber, Hansen dez kesselsmits bi sant Margareten Heinrich der muller in dez Bischofs
22 mlin, Heinrichs dez drehsels vn(d) Maister Chunratz dez Segmullers ettwen zu der Niwenmlin, Darunder wir vns die andern alle verbinden, mit vns(er)n triwen, stet halten, vn(d) ze leisten swas dauor geschriben stat, Daz geschach nach
23 Cristi geburte driutzenhundert Jare, vnd in dem Ahten vnd Sehtzigostem Jare an sant Kathrinen Abende (Absatz Ende)

          

(Absatz Beginn)
1 Wir, die ratgeben, die do zu den ziten ratgeben waren, vnd wir, die Burger gemeniclichen, rich vnd arme, der stat zu Auspurg, veriehen vnd bekennen offenlichen mit disem brieue, daz wir ein-
2 mticlichen mit vereintem rate vnd guter vorbetrahtunge durch ere vnserr stat, vnd durch gemeines nutzes vnd frides willen, richer vnd armer, dabi wir hinnafur mit gotes hilff bestaun vnd beliben sullen, darumbe wir dise sache ange-
3 uangen haben vnd ouch darumb, daz wir einem ieglichem vnserm widersachen der vns oder vnser stat,an vnsern liben vnd guten rehten vnd guten gewonheiten oder an den nachgeschribenen artickeln, der wir mit einander uberein komen
4 sien, hindern, irren, besweren oder bekrencken wolten, dest baz vorgesin vnd widerstaun mugen vns lieplichen vnd friuntlichen uf ein gantzes ende miteinander verriht, vereinet vnd versunet haben von aller der stozz vnd misshellung wegen, die
5 zwischen vnser bis her gewesen sint vnd vns zusamen verbunden haben vnd verbinden in guten triwen aun geuerde, dis nachgeschriben sache vnd artickel ze volfuren in der weis alz hernach benennet ist; zem ersten, daz wir lieplich vnd tugent-
6 lichen einer zunfft vnd swaz zu den zunfften gehoret miteinander uberein kumen sien, die hinnafur ewiclichen weren vnd bestaun sol vnd die sullen wir halten nach dem lauffe als wir die ietzo geordent vnd besetzet haben vnd nach dez zunft-
7 briefs sage, den wir gemachet haben. Vnd sullen ouch von der zunfft wegen vnd von aller anderr stozze vnd misshellung wegen, die bisher zwischen vnser gewesen sint, all alt hezze vnd veintscheft gentzlichen absien, das nieman dem andern
8 dheinen has noch veintschaft darumb tragen noch haben sol, heimlichen noch offenlichen in deheinweis, aun all geuerde. Wer aber daz ieman, rich oder arme, swie der genant were darnach stalt redt oder wurbe, mit wortten oder mit wercken,
9 heimlichen oder offenlichen, in welheweis daz were, daz der zunfft zuschaden kome oder kumen mochte oder dauon si bekrenckt mocht werden, dez er mit siben erbern mannen bewert wurde ,da der rat vnd die zunfftmeister oder ir der meror teil
10 erkanten, das dieselben siben erber vnuersprochen man sien, dezselben lib vnd gut sol in der stat eht sin vnd wa man den begrifft, so sol man hintz sinem lib rihten als hintz einem schedlichen manne. Vnd swaz er auch gutez hat, swie daz genant
11 ist, ez sie in der stat oder uf dem lannde, swaz dez ist, daz sol allez der stat werden vnd angeuallen vnd ob er wip vnd kint hat, die sullen us der stat varen vnd ewiclichen nimmermer wider daryn kumen. Wer auch der were rich oder
12 arme, der im dez hulffe, mit wortten oder mit wercken, heimlichen oder offenlichen, wurd daz auch mit siben Eerbern mannen alz vorgeschriben stat hintz im bewert, der sol auch in den selben schulden sin. Wer auch, daz dieselben jeman hsete oder
13 hoffte, nachtes, oder tages, heimlichen oder offenlichen, in der stat oder usserhalben, wurd er dez auch bewert alz vorgeschriben stat, der sol auch in denselben schulden sein. Wer auch, daz jeman, rich oder arme, swie der genant were, dem andern von der
14 zunfft wegen dheinen nyd, has oder veintschaft truge oder tragen wolt oder daz ieman den andern darumb wolt bekrencken oder daz ieman darumb bekrencket wurde, von wem daz beschehe vnd in welhe wis daz were, den sol der rat vnd die zunfftmeister
15 oder ir der meror tail darumb bezzern vnd straffen vnd waz im die darumb buzz vnd bezzerung scheppfent, der sol er gehorsam sin vnd nicht widersten in dhein weis. Vnd wider dis vorgeschriben sach vnd artickel alle sol vns nicht schirmen noch
16 helffen dhein brief, reht, freiheit noch genade, die wir von romischen keisern vnd kunigen vnd von bischouen ietzo haben oder noch in zu kunftigen ziten gewinnen mochten, in welh weis daz were, vnd besunderlichen dhein gebot, von wem vns daz
17 beschehe, wann wir dirr vorgeschribenen sache vnd artickel aller gemeniclichen, rich vnd arme, frilichen vnd vnbetzwungenlichen zu den hailigen gelert eyde mit ufgeboten vingern gesworn haben also stet,vest vnd vnuerruckt ze halten vnd ze
18 laisten aun all geuerde. Wir haben vns auch vollen gewalt genomen vnd usgedinget, dis vorgeschriben sach vnd artickel ze bezzern als offt vnd alz dick wir wollen vnd vns duncket, daz wir die nach dez ratez vnd der zunfftmeister rat gebezzern
19 vnd baz erluhten mugen. Das daz allez hinnafur ewiclichen stet vnd vnzerbrochen belibe, darumb haben wir disen brieue heizzen gemacht vnd geschriben, der versigelt ist mit vnsrer stat jnsigel vnd mit der hernachgeschriben zunftmeister jnsigeln,
20 diu elliu daran hangent; zem ersten Heinrichs dez Fidelers, Johans dez Goppoltz, Cunratz dez Vogels, Sighartz dez schribers, Heinrichs dez Walkirchers, Heinrichs dez Burttenbachs, Cunratz dez Lorentzen, Heinrichs dez Hnrers, Heinrichs dez
21 Witzigen dez kursners, Chunratz dez Hugen dez ledrers, Sighartz dez schusters, Walthers dez Strasmairs dez huckers, Chunratz dez Steinlins dez lodweber, Hansen dez kesselsmits bi sant Margareten, Heinrich der muller in dez bischofs
22 mlin, Heinrichs dez drehsels vnd maister Chunratz dez segmullers ettwen zu der niwen mlin. Darunder wir vns, die andern alle, verbinden mit vnsern triwen stet halten vnd ze leisten, swas dauor geschriben stat. Daz geschach nach
23 Cristi geburte driutzenhundert jare vnd in dem ahtenvndsehtzigostem jare an sant Kathrinen abende. (Absatz Ende)